Söngkonan Iggy Azalea naut lífsins á snekkju meðfram ströndum Mexíkó nú á dögunum. Til hennar sást spóka sig á rauðu bikiní þegar hún gerði sér glaðan dag með nýja kærasta sínum LJay Currie og vinum þeirra. Hamingjan virðist leika við þau skötuhjú en eins og margir vita lét hún skilið við unnusta sinn Nick Young í júní síðastliðnum, þegar upp komst um síendurtekin framhjáhöld kappans. Eftir að hafa reynt að fyrirgefa honum sá hún að traustið var algjörlega farið og því ákvað hún að láta staðar numið. Hún sér nú örugglega ekki eftir því núna þegar hamingjan hefur bankað upp á hjá henni á nýjan leik. Af myndunum að dæma áttu þau saman frábæran dag og geta hreinlega ekki séð hvort annað í friði.
Iggy hefur oft verið milli tannana á fólki og hefur mikið verið spegúlerað hvort skvísan hafi látið stækka afturenda sinn en hún blæs algjörlega á þær sögusagnir, hins vegar vilja myndir af henni segja aðra sögu.
Inga er fædd og uppalin í Reykjavík fyrir utan 2 ár sem hún bjó fyrir vestan í Bolungarvík. Þessi gifta, þriggja barna móðir er menntuð snyrtifræðingur og hefur unnið við það síðan 2006. Snyrtifræðin á stóran hluta af hug hennar og fagnaði hún þessu tækifæri að fá að skrifa greinar og jafnvel fá að aðstoða lesendur við vanda/spurningar sem þeir mögulega hafa.
