Þessi ís er algjört sælgæti og slær í gegn í öllum veislum. Uppskriftin kemur frá Eldhússystrum.
Saltlakkrís ís
6 stk eggjarauður
½ bolli dökkur púðursykur
1½ tsk lakkrísduft
½ l rjómi
saltlakkríssíróp að vild
Eggjarauður og sykur þeytt vel saman. Lakkrísdufti hrært saman við. Rjómi þeyttur og hrærður saman við eggjablönduna þar til allt er vel blandað saman. Hellið í brauðform eða form að eigin vali og frystið. Gott er að taka ísinn út á 30-40 min fresti og hræra upp í honum ca x 3 sinnum. Þetta er gert til að ísinn verði mjúkur. Þegar hrært er upp í ísnum í síðastaskiptið er helmingurinn af ísnum tekinn uppúr forminu, saltlakkríssírópi dreift ofan á ísinn. Restin af ísnum sett ofan á aftur, einnig er tilvalið að setja svolítið af sírópinu ofan á ísinn líka.
Splæsið endilega í „like“ á Eldhússystur á Facebook
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
