Hjónin Lyndsay og Matthew Brentlinger frá Toledo, Ohio, voru búin að reyna að eignast barn í nokkur ár þegar þau komust að því að þau ættu von á tvíburum. Í 23ja vikna sónarnum var þeim svo tjáð að sonur þeirra væri með töluverða fæðingargalla, þar á meðal væri hjarta hans svo gott sem óstarfhæft og myndi hann því að öllum líkindum ekki lifa fæðinguna af. Með það í huga að annað barn þeirra myndi fæðast andvana, kláraði Lyndsay meðgönguna og fæddust þau William og Reagan 17. desember 2016. Litli drengurinn lifði þó fæðinguna af og gott betur en það því hann lifði í 11 daga og minnast foreldrarnir þess tíma sem þau áttu öll saman, sem allra besta tíma í þeirra lífi. Vinur þeirra hjóna hafði samband við ljósmyndara sem kom til þeirra og tók þessar fallegu, ómetanlegu myndir af þeim systkynunum.
Inga er fædd og uppalin í Reykjavík fyrir utan 2 ár sem hún bjó fyrir vestan í Bolungarvík. Þessi gifta, þriggja barna móðir er menntuð snyrtifræðingur og hefur unnið við það síðan 2006. Snyrtifræðin á stóran hluta af hug hennar og fagnaði hún þessu tækifæri að fá að skrifa greinar og jafnvel fá að aðstoða lesendur við vanda/spurningar sem þeir mögulega hafa.
