Það var hreint kraftaverk að nokkur skyldi sleppa lifandi frá slysinu þegar kviknaði í loftbelgnum við Luxor í Egyptalandi þriðjudaginn 26. febrúar. Við birtum mynband af loftbelgnum hrapa sem þú getur séð hér. Michael Rennie var á ferð í Egyptalandi ásamt konu sinni og höfðu þau farið í skoðunarferð til Luxor í loftbelg. Eldur gaus upp í loftbelgnum þegar hann rakst á rafmagnslínu og Michael tókst að stökkva út ásamt flugmanninum. Þeir komust einir af.
Michael var fluttur á spítala eftir slysið. Konan hans lést í slysinu.
Vitni að þessum atburði heyrðu sprengingu og sáu mikinn reyk og svo féll belgurinn til jarðar.
Fleiri farþegar stukku og reyndu þannig að bjarga sér en voru allir látnir þegar björgunarmenn komu að þeim.
Fólkið sem lenti í þessu slysi var frá Bretlandi, hafði keypt sér útsýnisferð með loftbelg til Luxor hjá ferðaskrifstofu Thomasar Cook. Ferðaskrifstofan hefur hætt að selja fólki þessar ferðir.
Sérfræðingur um loftbelgjaflug segir að öryggi í þessum útsýnisferðum í Egyptalandi sé mjög ábótavant og sé örygginu fórnað fyrir lágt verð.
Sjúkraflutningamenn bera lík af látnum.
