Ok, ég viðurkenni það, ég er „pínu“ hrifin af Bandaríkjunum. Ég hef að vísu bara einu sinni farið til Bandaríkjana en ég dýrka hvað þau eru fjölbreytileg.
Einn vinsælasti stíllinn í Bandaríkjunum núna er „country farmhouse“, sem byggist að miklu leiti upp á mjúkum litartónum (aðallega hvítum og viðarlit), blúndum og borðum og slaufum með strigapoka áferð. Mér finnst þetta rosalega fallegur stíll, og ég er viss um að ef þið sláið inn í elsku google „country farmhouse decour“ að þá verðið þið sammála mér. Finnst ykkur þetta ekki hlýlegt?
Ég ákvað að prófa að gera auðveld blóm í þessum stíl úr mjóu reipi eða spotta. Ég vafði honum um puttana á mér nokkrum sinnum, tók það svo af og batt um miðjuna. Ég endurtók þetta svo þannig að ég var komin með 2 jafnstór knippi. Svo límdi ég knippin saman í miðjunni með límbyssunni minni og til að fela miðjuna þá límdi ég á hana gamla eyrnalokka (alltaf að gefa hlutum annað tækifæri, hugsa út fyrir krassann). Svo var bara að taka lykkjurnar aðeins í sundur þannig að þetta líktist meira blómi og líma á þessa kertaskjaka. Til að gera þá þá hafði ég hafði bara keypt mjög ódýra kertaskjaka og límt ofan á þá glerkúpla og sett ofan í þá skrautsteina og sand. Ódýrt, auðvelt og virkilega sætt.
Ég heiti Kristbjörg og ég er 2 barna móðir sem elskar föndur, að skapa með höndunum, að búa til eitthvað úr engu og að reyna að auðvelda mér lífið með því að skipuleggja, skipuleggja, skipuleggja.
