Ástralska fyrirsætan Ruby Tuesday Matthews (25) hefur opnað sig um hvernig hún fór að því að halda sér grannri áður en hún eignaðist börnin sín tvö. Hún segist hafa gert það með því að nota kókaín, svart kaffi og sígarettur.
„Ég notaði mikið kókaín, MJÖG mikið. Ég reykti, drakk kaffi og notaði kókaín,“ segir hún í myndbandi á Instagram og bætir við í kaldhæðni: „Það má vera að það hljómi vel,“ en bætir svo við að þetta hafi verið fíkn. „Fólk skildi ekki hvernig ég gat borðað og verið samt svona grönn. En það er víst frekar auðvelt að fela fíknir. Fólk skilur ekki hversu auðvelt er að fela hluti, hvort sem það er fíkn, þunglyndi eða kvíði.“
View this post on Instagram
Fyrirsætan sagði líka að þessi lífsstíll hafi ekki verið mjög óvenjulegur fyrir konur í sömu stöðu. Frekar sé ætlast til þess að áhrifavaldar gangi ansi langt til að halda sér grönnum.
Sjá einnig: 67 ára Playboy fyrirsæta
Marissa Mehulam er næringarfræðingur og sagði þetta í viðtali við Yahoo: „Hlutverk áhrifavalda á fylgjendur sína varðandi megrun og lífsstíl er mjög ógnvekjandi. Fólk lítur gjarnan til áhrifa valda til að setja sér markmið og reynir að apa upp þeirra lífsstíl og heldur að það muni ná árangri. Ruby var auðvitað grönn þegar hún var að gera þetta en við getum öll verið sammála um að þessi aðferð hennar er ekki heilsusamleg.“
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
