Á heimasíðunni Allskonar er að finna mjög margar góðar uppskriftir og við rákumst á þessa þarna inni.
Þessi kjúklingasúpa er afar matarmikil og í hana geturðu notað smjörbaunir, hvítar baunir, kjúklingabaunir eða pinto baunir. Það er lang þægilegast að nota niðursoðnar baunir, þær er hægt að fá í flestum matvöruverslunum og lífrænar baunir í heilsuvöruverslunum.
Kjúklingasúpa fyrir 4
- 1 msk ólífuolía
- 1 msk smjör
- 1 laukur, fínsaxaður
- 4 hvítlauksrif, marin
- 2 gulrætur, fínsaxaðar
- 450gr kjúklingakjöt, í bitum
- 800ml vatn
- 2 teningar grænmetiskraftur
- 2 greinar rósmarín
- 1 tsk timian, þurrkað
- 1 lárviðarlauf
- 6 meðalstórar kartöflur, flysjaðar og í bitum
- 1 msk hveiti
- 500ml mjólk
- 3 msk rjómaostur
- 1 dós baunir að eigin vali
- 100gr hvítkál, fínsneitt
- salt og pipar
- söxuð steinselja
Undirbúningur: 10 mínútur
Eldunartími: 40 mínútur
Hitaðu olíuna og smjörið saman í stórum potti. Steiktu laukinn í 5-6 mínútur eða þar til hann er mjúkur og gulllinn. Bættu þá við hvítlauknum og gulrótunum og steiktu í 1-2 mínútur í viðbót. Settu nú kjúklinginn í bitum út í og steiktu þar til hann er brúnaður á öllum hliðum.
Helltu nú vatninu út í og láttu soðteningana saman við ásamt rósmaríni, timian, lárviðarlaufi og kartöflubitunum. Láttu suðuna koma upp og lækkaðu þá undir pottinum og láttu malla við vægan hita í 25-30 mínútur, eða þar til kartöflurnar eru mjúkar og ilmurinn af kryddjurtunum verður ómótstæðilegur.
Hrærðu hveitinu út í mjólkina.
Helltu mjólkinni með hveitinu út í súpuna og settu rjómaostinn, hvítkálið og baunirnar út í. Hækkaðu hitann örlítið undir pottinum og láttu malla í 2-3 mínútur. Smakkaðu vel til með salti og pipar.
Stráðu saxaðri steinselju yfir.
Endilega smellið einu like-i á
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
