Ertu í ofbeldissambandi?
Oft er því þannig farið að konur átta sig ekki á því að þær eru í sambandi þar sem makinn beitir þær ofbeldi, bæði líkamlegu og andlegu.
Sterkustu konur, með mjög góða sjálfsvirðingu, lenda í þessum samböndum rétt eins og þær brotnu.
Það er mikilvægt að þekkja hvernig ofbeldismenn hegða sér. Það er ákveðin uppskrift sem þeir virðast hafa þróað með sér og sumir hverjir fara svona í gegnum mörg sambönd og brjóta niður konu eftir konu.
Sjá meira: Í sambúð með ofbeldismanni og alka
á heimasíðu Kvennaathvarfsins er að finna mjög lýsandi skýringarmynd á þessu.
Eitt af því sem er þekkt er að konur í ofbeldissamböndum segja oft ekki frá vegna þess að þær finna fyrir skömm og jafnvel vegna þess að þær átta sig ekki á að þetta sé ofbeldi.
Einkenni eins og að fjarlægjast vini og fjölskyldu er eitthvað sem vinir og fjölskylda geta veitt eftirtekt og verið jafnvel í meiri samskiptum.
Læt fylgja hér slóð á heimasíðu kvenna athvarfsins þar sem kemur fram skilgreining á ofbeldi.
Ég hvet alla til að vera á varðbergi og deila þessum pistli svo konur geti verið upplýstar um ofbeldismenn.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
