Þessi æðislega uppskrift er frá Eldhússystrum og er með þeim bestu. Það er alveg þess virði að skella í eina svona uppskrift.
Snúðar
150 gr kalt smjör
6 dl mjólk
2 egg
75 gr ferskt ger (7,5 tsk eða 22,5 gr þurrger)
2 dl sykur
1/2 tsk salt
1 tsk kardimommukrydd
1 kg hveiti
Fylling
1 – 2 dl af nutella og jafn mikið af smjöri, hrært saman – magnið er samt að sjálfsögðu smekksatriði 🙂
Öllum þurrefnum blandað saman. Smjörið mulið saman við. Eggin slegin í sundur og blandað saman við mjólkina. Gerið leyst upp í eggjamjólkublöndunni (eða þurrgerið ef því er að skipta, það mætti líka setja þurrgerið beint út í hveitiblönduna og blanda ásamt hinum þurrefnunum) og henni svo hrært saman við þurrefnin. Hnoðað vel (í höndum eða í hrærivél). Látið lyfta sér í ca. klst. Deiginu er svo skipt í þrjá jafnstóra hluta.
Sjá leiðbeiningar að neðan varðandi hvernig snúðarnir eru gerðir:
Flatt út í ferhyrning (ef þið notið heila uppskrift, skiptið þá í u.þ.b. fernt), nutellasmjörinu smurt á, deigið lagt saman og skornar út ræmur. Hverri ræmu snúið upp og sett saman í hring. Snúðarnir penslaðir með eggi. Bakað við 180 gráður, þar til snúðarnir eru gullinbrúnir.
Passið ykkur á að fletja deigið ekki of þunnt út, og hafa ræmurnar ekki of mjóar!
Endilega smellið einu like-i á Eldhússystur á Facebook.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
