Fæðingardagur þinn getur sagt þér ýmislegt um líf þitt og persónuleika, jafnvel hluti sem þú vissir ekki. Finndu hver er þín fæðingartala hér fyrir neðan og sjáðu hvað tölurnar segja um þig.
Fæðingartala 1
Fæðingartala 1 er fyrir fólk sem er fætt 1., 10., 19. og 28. dag mánaðar, hvaða mánaðar sem er.
Þessi hópur fólks finnur yfirleitt ástina snemma en mun taka sér tíma áður en þau ganga í hjónaband. Fólk í þessum hópi elskar að eyða peningum en er yfirleitt í þeirri stöðu að geta leyft sér það. Þau hafa marga hæfileika og geta ýmislegt svo þau geta starfað við hvað sem er, hvort sem það er búð eða á Alþingi. Ef þú ert í þessum hópi skaltu fara varlega því það er alltaf fólk í kringum þig sem mun reyna að gera lítið úr þér. Fólk með þessa fæðingartölu er vel gefið, með góðan húmor, ákveðið, segir alltaf satt, með ástríðu, framhleypin, skapheit, með keppnisskap og gott sjálfstraust en eiga það til að vera afbrýðissöm.
Fæðingartala 2
Fæðingartala 2 er fyrir fólk sem er fætt 2., 11., 20., og 29. dag mánaðar, hvaða mánaðar sem er.
Þessi hópur fólks er fætt undir reglu tunglsins og þess vegna líkar flestum við þau, hvar sem þau koma. Þau eiga það til að detta í dagdrauma og hafa ekki mjög mikið sjálfstraust. Þau aðlaga sig að öllum aðstæðum sem gerir það að verkum að þau eru ófyrirsjáanleg. Þau eiga auðvelt með að sjá fyrir hvað mun fara að gerast og fórna öllu fyrir fólkið sem þau elska. Þau eru mjög sterk og vingjarnleg.
Sjá einnig: 7 týpur af vinum sem þú ættir að forðast
Fæðingartala 3
Fæðingartala 3 er fyrir fólk sem er fætt 3., 12., 21. og 30. dag mánaðar, hvaða mánaðar sem er.
Þessi hópur fólks er frekað trúað og finnst trúin mjög mikilvæg í þeirra lífí. Þau eru meðvituð um stöðu sína í þjóðfélaginu og mun gera hvað sem er til að koma sér upp á við. Jafnvel þó það verði til þess að særa aðra. Þegaru þau elska, elska þau af öllu hjarta en það er ekki auðvelt að ná athygli þeirra. Auðæfi eru þeirra eina áhugi. Þau eru trúuð, þrjósk og oftast sjálfselsk.
Fæðingartala 4
Fæðingartala 4 er fyrir fólk sem er fætt 4., 13., 22. og 31. dag mánaðar, hvaða mánaðar sem er.
Þessi hópur fólks er mjög duglegur en oft óheppin og missa þá gjarnan af tækifærum. Þau eiga það til að vera óhemju þrjós og er ekki jafn blíð og þau vilja vera, en gera sitt besta til að hjálpa öllum sem þurfa á þeim að halda. Þau þurfa hjálp við fjármálin sín og eiga það til að taka rangar ákvarðanir þegar kemur að ástarsamböndum. Þau eru mjög dugleg, varfærin og með gott hjarta.
Fæðingartala 5
Fæðingartala 5 er fyrir fólk sem er fætt 5., 14. og 23. dag mánaðar, hvaða mánaðar sem er.
Þessi hópur fólks á það til að vera vel þekktur og getur fengið alla til að gera allt fyrir sig með einföldu spjalli. Þau eru skapandi og þú getur alltaf átt von á að þau hugsi út fyrir boxið. Þau eru samt ekki alveg nógu dugleg við að framkvæma sínar eigin hugmyndir. Fólk er samt alltaf til í að hjálpa þeim að ná markmiðum sínum. Þau eru vinsæl meðal fólks og frábærir elskhugar.
Fæðingartala 6
Fæðingartala 6 er fyrir fólk sem er fætt 6., 15. og 24. dag mánaðar, hvaða mánaðar sem er.
Þessi hópur fólks elskar að skemmta sér en það þarf að minna þau á að álit annarra skiptir í raun og veru ekki máli. Þau eru frábær í að kennslu og fræðslu og eru elskuð hvar sem þau eru. Þau hafa jákvæð áhrif á fólk sem þau hitta því þau bera alltaf með sér ást og frið. Þau eru með mikla réttlætiskennd, góða dómgrein, samkennd og eru frábær í að taka að sér ábyrgðarstöður.
Sjá einnig: 3 stjörnumerki sem eru með besta innsæið
Fæðingartala 7
Fæðingartala 7 er fyrir fólk sem er fætt 7., 16. og 25. dag mánaðar, hvaða mánaðar sem er.
Þessi hópur er raunsær og með fjölda hæfileika. Þau eru með frábært sjálfstraust og finna hamingjuna auðveldlega. Þau eru fæddir listamenn en hafa ekki mikið jafnaðargeð sem getur komið þeim í vanda. Þau eru tilbúin að fórna ansi mörgu fyrir ástina. Þau eru hamingjusöm, vinaleg og listræn og eru fædd til þess að gefa heiminum af sér.
Fæðingartala 8
Fæðingartala 8 er fyrir fólk sem er fætt 8., 17. og 26. dag mánaðar, hvaða mánaðar sem er.
Þessi hópur er mjög oft misskilinn. Þau hafa jafnvel lent í einhverju snemma á lífsleiðinni sem hefur kennt þeim að halda alltaf ró sinni og vera skynsöm þegar kemur að mótlæti. Þau þola ekki óréttlæti og munu gera allt sem þau geta til að leiðrétta óréttlæti. Þau eru mjög öguð, hugrökk, sterk og ákveðin og það mun hjálpa þeim að njóta velgengni seinna í lífinu.
Fæðingartala 9
Fæðingartala 9 er fyrir fólk sem er fætt 9., 18. og 27. dag mánaðar, hvaða mánaðar sem er.
Þessi hópur er sterkur, bæði andlega og líkamlega og eru ofsalega metnaðargjörn. Vandræðin sem þau hafa átt í, í æsku vegna fjölskyldu sinnar hafa kennt þeim að vera ákveðnir og sterkir fullorðnir einstaklingar. Þau njóta virðingar hvar sem þau eru og eru þekkt fyrir samkennd, góða dómgreind, þolinmæði og auðmýkt og njóta oft aðdáunar úti í samfélaginu.
Heimilidir: Womendailymagazine.com
