Jeremy Renner upplýsti á Instagram að hann hafi brotið meira en 30 bein þegar hann varð undir snjótroðara á nýársdag. „Þessi 30 plús brotnu bein munu lagast, styrkjast, rétt eins og ástin og tengslin við fjölskyldu og vini dýpka,“ skrifaði hann við mynd af sjálfum sér í sjúkrarúmi. Leikarinn, 52 ára, Þakkaði öllum fyrir skilaboðin og stuðninginn.
„Mikil ást og þakklæti til ykkar allra,“ skrifaði hann. Vinir Renner sendu honum ást og stuðning í athugasemdum við nýju færsluna á Instagram þar sem „Avengers“ mótleikari hans Chris Hemsworth skrifaði: „Þú ert meistari félagi! Við elskum þig.” „Allt okkar aloha ❤️❤️❤️,“ bætti Jason Momoa við á meðan Heidi Klum sendi „Ástarkveðju“.
Renner var lagður inn á sjúkrahús á nýársdag eftir að hafa orðið undir tæplega 7 tonna snjóruðningstæki nálægt heimili sínu í Reno, Nevada. Leikarinn var fluttur með þyrlu á sjúkrahús þar sem fulltrúi hans sagði á þeim tíma að hann væri í „mjög alvarlegu en stöðugu ástandi“. Fulltrúinn staðfesti einnig að hann hafi orðið fyrir „slæmum áverka á brjósti og á fleiri stöðum“ og gengist undir margar skurðaðgerðir.
