Hvað er taugaáfall?

Taugaáfall kemur oftast í kjölfarið á mikilli streitu og getur valdið bæði sálrænum og líkamlegum einkennum. Læknir getur mælt með blöndu af meðferðarúrræðum, sem gæti falið í sér samtalsmeðferð, lyf og lífsstílsbreytingar.

Hvað er taugaáfall?

„Taugaáfall“ eða „andlegt áfall“ er hugtak sem notað er til að lýsa tímabili mikillar andlegrar vanlíðunar eða veikinda sem koma skyndilega. Á svona tímabili gætirðu verið ófær um að sinna þínu dagsdaglega lífi.

Það er margt sem getur valdið taugaáfalli og eru þar á meðal ástæður sem þessar:

Miklar breytingar á lífinu
Skortur á svefni
Fjárhagsvandi
Ofbeldi
Mikil streita, eða kulnun
Skyndilegur harmleikur
Þetta hugtak var einu sinni notað til að vísa til margs konar geðrænna veikinda eins og:meðal: þunglyndi kvíði bráð streituröskun

Þetta hugtak var einu sinni notað til að vísa til margs konar geðrænna veikinda eins og:

Þunglyndi
Kvíða
Bráðrar streituröskun

„Taugaáfall“ er ekki læknisfræðilegt hugtak eða opinber greining á tilteknu ástandi. Það hefur ekki eina samþykkta skilgreiningu, en er þess í stað notað af mörgum til að lýsa sterkum einkennum streitu og vanhæfni til að takast á við áskoranir lífsins.

Það sem einhverjir kalla taugaáfall, getur líka verið ógreint geðheilbrigðisástand.

Einkenni og vísbendingar um taugaáfall

Einkenni taugaáfalls eru mismunandi eftir einstaklingum. Undirliggjandi orsök getur einnig haft áhrif á tegundir einkenna sem þú finnur fyrir. Þú gætir fundið fyrir einkennum sem eru:

Líkamleg
Sálfræðileg
Hegðunarvandamál

Þar sem hugtakið „taugaáfall“ er ekki notað í læknasamfélaginu hefur þessu andlega ástandi verið lýst með margvíslegum einkennum sem hafa tilhneigingu til að birtast skyndilega.

Einkenni um þunglyndi eða kvíða

Sumt fólk getur fundið fyrir einkennum þunglyndis eða kvíða vegna langvarandi streitu.

Hugsanleg einkenni þunglyndis eru meðal annars:

Að finna fyrir viðvarandi sorg eða vonleysi
Sektarkennd og/eða finnast maður einskis virði
Lítil orka og stöðug þreyta
Áhugaleysi á því sem áður vakti áhuga og gleði
Hugsanir um sjálfsvíg eða sjálfsskaða

Á sama tíma geta einkenni kvíða verið:

Alltaf á nálum eða eirðarlaus
Pirringur
Handskjálfti
Svimi
Magavandamál

Breytingar á matarlyst

Streita leiðir oft til breytinga á matarlyst. Þó að sumt fólk geti upplifað lystarleysi vegna streitu, geta aðrir tekist á við streituvaldandi aðstæður með því að borða of mikið.

Svefntruflanir

Mikil streita getur valdið erfiðleikum með að sofna eða sofa alla nóttina. Svefntruflanir koma einnig oft fram samhliða ákveðnum geðsjúkdómum, þar á meðal þunglyndi og kvíða.

Að auki geta léleg svefngæði og svefnleysi truflað hæfni þína í dagsdaglegum athöfnum og getur stuðlað að eða aukið einkenni geðsjúkdóma.

Ofsakvíðaköst

Sumir geta fundið fyrir kvíðaköstum þegar þeir finna fyrir mikilli streitu. Þetta getur valdið einkennum eins og:

Miklum ótta eða hræðslu við dauðann
Öndunarerfiðleikum
Skjálfti eða hristingur
Hraðari hjartsláttur eða hjartsláttarónot
Svitamyndun

Þreyta

Mikil streita getur valdið þreytu og örmögnun. Ekki nóg með það, heldur geta ákveðin vandamál tengd streitu, eins og lélegur svefn, einnig stuðlað að lítilli orku og þreytu.

Einkenni eftir áfallastreituröskun (PTSD)

Áfallastreituröskun er ástand sem getur komið fram eftir að manneskja hefur orðið fyrir áfalli. Það getur valdið fjölmörgum einkennum, þar á meðal:

Uppáþrengjandi hugsunum, endurupplifunum eða martröðum um atburðinn
Að forðast staði eða aðstæður sem kalla fram tengdar minningar
Að halda áfram að finna fyrir sektarkennd eða skömm vegna atburðarins
Sjálfseyðandi eða kærulaus hegðun
Miklar skapsveiflur eða óútskýrð reiðiköst
Ofskynjanir, sem þýðir að viðkomandi heyrir hávaða eða sér hluti sem tilheyra ekki umhverfinu
Ofsóknaræði, eins og að trúa því að einhver sé að fylgjast með þér eða elta þig.

Erfiðleikar með einbeitingu

Sumar rannsóknir benda til þess að streita geti valdið breytingum á starfsemi og uppbyggingu heilans, sem gæti haft áhrif á minni og einbeitingu.

Mikil streita getur einnig haft neikvæð áhrif á nám, sem gerir það erfiðara að standa sig í vinnu eða skóla.

Einangrun

Fólk sem fær taugaáfall getur átt það til að draga sig frá fjölskyldu, vinum og vinnufélögum.

Merki um einangrun geta verið:

Að forðast félagsskap við aðra og að hitta fólk
Borða og sofa illa
Viðhalda slæmu hreinlæti
Hringja sig veikan í vinnuna dögum saman eða mæta alls ekki í vinnuna
Einangrar sig heima hjá sér

Orsakir, kveikjur og áhættuþættir

Einstaklingur gæti upplifað sig hafa fengið taugaáfall, þegar streitan í lífinur er of mikil fyrir hann að þola. Sú streita getur stafað af utanaðkomandi áhrifum.

Hugsanlegar orsakir og kveikjur taugaáfalls eru ma: