Árið 2001 léku Antonio Banderas og Angelina Jolie aðalhlutverkin í erótískri spennumynd sem heitir Original Scene. Myndin fjallar konu sem ætlar sér, ásamt elskhuga sínum, að giftast ríkum manni og stela af honum peningum.
Þrátt fyrir að vera með stórstjörnur í aðalhlutverkum naut myndin engra vinsælda og var harðlega gagnrýnd af kvikmyndagagnrýnendum. Angelina var meira að segja tilnefnd til Golden Raspberry verðlauna sem „versta leikkonan“ fyrir hlutverk sitt í myndinni.
Það hefur svo seinna komið fram að Antonio Banderas fannst það martröð líkast að vera að leika á móti Angelina í myndinni. Þegar verið var að taka upp kynlífssenur þeirra mátti hann alls ekki koma við leikkonuna. Myndin, sem fjallar um losta og kynferðislegar þrár, var með fjölmörgum kynlífssenum sem erfitt var að festa á filmu þar sem Antonio mátti ekki koma við Angelina. Ástæðan fyrir því var samt aðallega að Angelina er með fullt af húðflúrum sem voru hulin með farða og hann mátti ekki koma við húðina því þá sæjust flúrin í gegnum farðann.
Orðrómur var um að Antonio og Angelina hafi átt í ástarsambandi á meðan á tökum myndarinnar stóð, en þau höfnuðu því alfarið og sögðust vera í mjög hamingjuríkum hjónaböndum. Antonio með Melanie Griffith og Angelina með Billy Bob Thornton.
