Þegar talað eru um æskuáföll er vísað til reynslu barns sem hefur áhrif á barnið fram á fullorðins ár. Þetta geta verið áföll eins og misnotkun, vanræksla, missir eða að verða vitni að ofbeldi. Þessi áföll geta haft djúp áhrif á tilfinningalegan og sálrænan þroska og leitt til vandamála á fullorðinsárum, svo sem kvíða, þunglyndi, skorts á trausti og sambandserfiðleikum.
Hvernig á að takast á við áföll í æsku
- Viðurkenning og samþykki
Að viðurkenna að áfallið hafi átt sér stað er fyrsta skrefið í átt að bata. Að leyfa sér að vinna úr þessum atburðum, hversu sársaukafullt sem það er, hjálpar manni að skilja sjálfan sig og vaxa. - Leitaðu þér aðstoðar
Að vinna með menntuðum meðferðaraðila – sérstaklega einhverjum sem sérhæfir sig í áföllum – getur gefið þér verkfæri til að vinna úr erfiðum minningum og þróa heilbrigðari úrvinnslu. - Æfðu samkennd með sjálfum/ri þér
Þeir sem hafa upplifað áföll glíma oft við sjálfsásökun. Ef þú ákveður að vinna í samkennd með sjálfum/ri þér, stundar jákvætt sjálfstal og sýnir þér mildi getur það hjálpað mikið með bata. - Núvitund og hugleiðsla
Núvitundaræfingar hjálpa þér við að setja athyglina á líðandi stund og draga úr áhrifum minninganna um áföll. Hugleiðsla, djúp öndun og jarðtengingar æfingar geta verið gagnlegar til að draga úr einkennum. - Byggðu upp stuðningsnet
Nauðsynlegt er að eiga vini, fjölskyldu eða stuðningshóp sem skilur áföll og veitir þér öruggt umhverfi til að deila reynslu þinni. Sterkt félagslegt net hjálpar til við að berjast gegn einangrun og styrkir þig í batanum. - Settu mörk
Áföll geta gert það að verkum að það er erfitt að setja fólki mörk, en samt er það lífsnauðsynleg færni fyrir sjálfsvirðingu og andlega vellíðan. Að læra að segja nei og vernda persónulegt rými þitt getur verið styrkjandi. - Einbeittu þér að heilbrigðum rútínum
Góður svefn, regluleg hreyfing, jafnvægi í næringu og streitustjórnunaraðferðir veita stöðugleika, styðja líkamlega og andlega seiglu í gegnum heilunarferlið. - Tjáðu þig í gegnum sköpun
List, tónlist, skrif eða aðrir skapandi hlutir geta verið öflugar leiðir til að tjá tilfinningar tengdar áföllum, bjóða upp á útrás og dýpri sjálfsvitund.
Að jafna sig eftir áföll í æsku er ferðalag sem krefst þolinmæði, sjálfsmildi og seiglu. Að leita sér aðstoðar og stuðningsúrræða er grundvallaratriði og með tíma og skuldbindingu er hægt að endurheimta frið og lífsfyllingu.
Sjá einnig:
