Triny Amurhirwe er 8 ára stúlka var með 2 kg æxli í andlitinu sem byrjaði að myndast þegar hún var 1 árs. Hún er frá Kampala í Úganda.
Móðir Triny, Sarah, segir að það fyrsta sem hún hafi tekið eftir var að eitthvað sem líktist beini byrjaði að vaxa við hliðina á nefi stúlkunnar.
Triny fór í tvær aðgerðir í Afríku út af æxlinu og í báðum tilfellum óx æxlið aftur. Þetta var meira að segja orðið svo slæmt að Triny var beðin um að hætta í skólanum vegna þess að starfsfólkið neitaði að kenna henni. 
Í fyrra var hjúkrunarfræðingur að störfum á þessu svæði þegar hún sá Triny litlu. Triny átti erfitt með að borða og var að verða blind á öðru auga og læknarnir á þessu svæði óttuðust að æxlið myndi kæfa hana. Hjúkrunarfræðingurinn sendi póst og myndir af stúlkunni til góðgerðarsamtakanna, Facing the World, þar sem starfa læknar sem framkvæma fríar aðgerðir á þeim sem minna mega sín.
Triny kom til Englands í fyrra og gekkst undir áhættusama, 15 klukkustunda aðgerð til þess að fjarlægja æxlið. Hún fór svo í aðra aðgerð í mars til þess að taka restina af æxlinu.
Sarah segist loksins hafa trú á því að Triny geti átt eðlilegt líf: „Hún er full af lífi. Hún nýtur þess í botn að hlaupa um og leika sér án þess að eiga í andnauð eins og áður.“
