Þessi kjúklingaréttur er svo góður að jafnvel börnin á heimilinu fara að borða spergilkálið.
Kjúklingur með spergilkáli
450 gr ferskt spergilkál, skorið
1½ bolli niðurskorinn, eldaður kjúklingur
300 ml eða ein dós af Campell bollasúpu með spergilkáli
⅓ bolli mjólk
½ bolli rifinn ostur
1 matskeið smjör, brætt
2 matskeiðar rasp
Aðferð:
Setjið spergilkál í pott með nógu vatni til að kálið fari á kaf. Þegar suðan kemur upp leyfið því að sjóða í ca. 5 mínútur. Hellið þá vatninu af.
Setjið spergilkálið í eldfast mót og kjúklinginn ofaná. Blandið súpunni og mjólkinni saman og hellið yfir kjúklinginn. Stráið svo
ostinum ofan á. Blandið svo bræddu smjörinu og raspinu saman og stráið yfir ostinn, athugið að það má alveg sleppa þessu.
Bakið í 15 mínútur við 230° eða þangað til osturinn er gullinn. Berið fram með hvítlauksbrauði eða hrísgrjónum og salati.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
