Sagafilm leitar að áhugasömu og hressu fólki til að taka þátt í nýjum spurningaþætti í sjónvarpi sem hefur göngu sínu í haust. Leikurinn er einfaldur. Það eina sem þátttakendur þurfa að gera er að svara átta spurningum og eiga þannig möguleika á að vinna sér inn vegleg peningaverðlaun.
Við leitum af pörum af öllu tagi, vinnufélögum, bestu vinum , feðgum, mæðgum, systkinum, frændum, frænkum og í raun öllum tvímenningum sem þekkjast vel og hafa löngun, getu og vilja til að svara almennum spurningum um allt milli himins og jarðar í sjónvarpssal. Almenn þekking og ástríða fyrir dægurmálum, menningarmálum, íþróttum og fleiru getur fleytt keppendum í átt til sigurs.
Áhugasamir geta sent tölvupóst á thattakendur@sagafilm.is með nafni, mynd og símanúmeri ásamt stuttri lýsingu á umsækjendum .
Skráningu líkur á miðnætti föstudaginn 27. September. Einnig eru allar ábendingar um spennandi þátttakendur í þetta skemmtilega verkefni vel þegnar.
Hik er sama og tap. Láttu slag standa og þú gætir gengið í burt með fulla vasa fjár.
Hér getur þú fundið facebook síðu Sagafilm
