Hin 21 árs gamla Miley Cyrus er algerlega ótrúleg og gerir nánast hvað sem er til að hneyksla og fá athygli frá fjölmiðlum. Í viðtali við tímaritið Love talar hún um Beyoncé Knowles.
„Beyoncé hefur veitt mér mikinn innblástur en hún hefur verið „úti“ svolítið lengi núna. Hún er hæfileikarík og er á toppnum núna en fólk er alltaf að leita að nýju blóði og það er það sem ég er að koma með núna, nýtt blóð. Ég er með allan pakkann, línurnar, taktinn og röddina, ég er bara best.“
Og Miley fór með þetta aðeins lengra:
„Beyoncé er að vaxa í móðurhlutverkinu og allt það kjaftæði sem fylgir því og það býr til pláss fyrir ferskar og ungar stjörnur til að rísa upp og það getur engin fyllt upp í hennar skarð. Ég er eina hvíta söngkonan sem sem getur gert það núna og gert það rétt. Ég er allur pakkinn. Allir hlutir eiga sér upphaf og endi og ég vonast eftir því að hafa notið sömu velgengni og aðrar stjörnur þegar mínum ferli er lokið. Í bili er það samt þannig að minn ferill er rétt að byrja.“
Ætli Miley viti að Beyoncé er nýbúin að gefa út plötu og er búin að gera 17 ný tónlistarmyndbönd og er í efsta sæti Billboard? Það er spurning…..
