Ég er gríðarlega oft spurð hvernig sé best að „squirta“ og hvaða kynlífstæki henti í þann leik. Ég er enginn sérfræðingur en ákvað að kynna mér málið og svara nokkrum algengum spurningum.
Mýtur um saflát.
- Saflát kvenna er ekki til.
- Aðeins örfáar konur geta haft saflát
- Grindabotnsæfingar hjálpa við framköllun safláts.
- Aðeins konur sem hafa fundið G-blettinn sinn geta haft saflát
- Saflát kvenna getur aðeins verið nokkrir dropar, ef það er meira þá er það þvag
- Það er aðeins ein leið til að framkalla saflát.
Sannleikur um saflát kvenna
- Saflát kvenna getur framkallast bæði frá kirtlum við þvagrásar opið og inn í leggöngum við g-blettinn.
- Það er til tækni sem kennir konum að hafa saflát og jafnframt til að koma í veg fyrir það.
- Konur geta fengið saflát án þess að fá fullnægingu
- Það er hægt að hafa saflát oft og mörgum sinnum á stuttum tíma.
- Saflát kvenna er ekki þvag, það líkist einar helst vatni og gæti verið örlítið sætt á bragðið.
Þú hefur ef til vilt velt fyrir þér hvort að allar konur geti haft saflát eða „squirtað“ eins og það er líka oft kallað, og ef að allar konur geti það af hverju gera það ekki fleiri?
Hvað er saflát kvenna?
Konur eru með blöðruhálskirtil eins og karlmenn, sem situr utan um þvagrásarhálsinn. Hjá körlum er blöðruhálskirtlinum oft líkt við valhnetu og er mjög auðvelt að þreifa eftir honum í gegn um endaþarminn. Hjá konum er vefurinn hins vegar líkari mjúkum hólki sem umvefur þvagrásina. Inni í þessum vef eru svo kirtilgangar og kirtilblöðrur, Við örvun og aukið blóðflæði til legganganna fara þessir kirtlar að mynda vökva. Við fullnæginguna dragast svo kirtlarnir saman og vökvinn seytlar eða sprautast út um op kirtilganganna sem opnast út rétt til hliðar við þvagrásina. Rétt eins og hjá karlmönnum erum við með vöðva sem að lokar fyrir þvag þegar við erum að stunda kynlíf svo þið ættuð að vera óhræddar við að sleppa takinu þegar að þessi tilfinning kemur.
Hver er munurinn á vökvanum sem kemur frá leggöngum og við þvagrásina?
Þetta eru tveir mismunandi vökvar, annarsvegar það sem kemur frá leggöngum sem er mun algengari, það er vökvi sem kemur í töluvert minna magni og framkallast þegar að líkaminn verður æstur. Þeim vökva er oft líkt við kókosmjólk, hann getur verið hvítleitur og oft sætur á bragðið hann er töluvert slímkenndari. Hann er samt ólíkur þessum heðbundna vökva sem við fáum við það eitt að verða kynferðislega spenntar.
Vökvinn sem kemur við þvagrásar opið er hinsvegar mun sjaldgæfari og er það eitthvað sem við sjáum oft í klámmyndum. Það er það sem flestir kalla „squirt“. Hann minnir á þegar að baðönd er kreist og allt frussast út um allt en getur líka lekið út og þú varla tekið eftir honum. Það eru mun færri konur sem hafa upplifað þannig saflát, en ekki vegna þess að þær tilheyra ekki hinum sérstaka hópi kvenna sem hafa þann hæfileika heldur meira af því að þær halda vökvanum inni.
Hvað er í vökvanum?
Margir tala um að þetta sé þvag. Það er hinsvegar ekki rétt. Þeir sem hafa rannsakað vökvann tala um að hægt sé að finna glucose (sykur) og enzyme sem er ein aðal undistaða í sæði karlmanna. Það er hinsvegar líka hægt að finna þvag en það er í mjög litlu magni.
Hvað kemur mikið af vökva?
Flestar konur tala um að magnið sé mjög misjafnt allt frá því að vera nokkrir dropar í 200ml. Það fer mikið eftir því hversu mikið viðkomandi hefur drukkið og hversu mikið hún þrýstir á móti þegar að tilfinningin kemur.
Af hverju eru svona fáar konur sem squirta?
Það er í sjálfu sér ekkert flókið að hafa saflát. Í flestum tilfellum fá konur tilfinningu eins og þær þurfi að pissa þegar að saflát er til staðar og þar að leiðandi halda þær í sér. Í stað þess að halda í sér ættu þær að þrýsta á móti og þá verður saflát.
Getur það haft skaðleg áhrif að squirta?
Nei svo sannarlega ekki. Margar konur sem eiga auðvelt með þetta og hafa leitað til læknis varðandi þetta „vandamál” hefur verið bent á að hægt sé að gera aðgerð til að koma í veg fyrir þetta, því saflát er ennþá tabú hjá mörgum. Það er hinsvegar ekki nauðsynlegt. Hinsvegar eru margar konur sem vilja ekki „squirta“ en þá er til tækni til að stöðva það.
Fyrir þær sem ætla í tilraunarstarfsemi eftir þessa lesningu mæli ég með að þið hoppið á klósettið til að þið getið verið slakar þegar að tilfinningin kemur og ekki verra að hafa handklæði undir svo að allsherjarhreingering þurfi ekki að eiga sér stað eftir gamanið.
Gleði og fiður
Gerður Arinbjarnar
http://credit-n.ru/offers-zaim/creditter-srochnye-zaymi-online.html http://credit-n.ru/zaymyi-v-ukraine.html
Skoðaðu einnig:
