Það var mikið um dýrðir á opnunarhátíð Hinsegin daga í Reykjavík 2014 í Hörpunni í gærkvöld. Uppselt var á opnunina og Harpan var í regnbogaskrúða. Hinsegin kórinn tók lagið og Eva María, formaður Hinsegin daga, setti hátíðina.
Þá kom öllum að óvörum að Jóhanna Sigurðardóttir,fyrrverandi forsætisráðherra tók til máls og fór yfir stöðu samkynhneigðra í heiminum. Jóhanna kom inn á hversu heppin við erum að búa á Íslandi þar sem tilfinningar okkar standa jafnfætis tilfinningum annarra. Þá flutti Sigga Beinteins dag Hinsegin daga 2014, en það vakti mikla kátínu að bæði Sigga og Jóhanna voru kynntar til leiks sem power- lesbíur.
Dragdrottningin fræga, William Belli og fór á kostum bæði með söng og léttum húmor. William sagði í viðtali við gayiceland.is að hann væri svo lánsamur að vera í starfi þar sem hann fær að heimsækja yfir 30 gaypride viðburði um heim allann. Hérna má sjá viðtalið.
Það var svo diskódívan sjálf, Páll Óskar Hjálmtýrsson sem endaði glæsilega dagskrá þar sem hann þakkaði sjálfum Guði fyrir að hafa skapað sig sem kynvilling. Páll sagði að lífið gæti ekki verið skemmtilegra og gæti ekki ímyndað sér að vera nokkuð annað en hinseginn. Í lokin söng Páll Óskar „þjóðsöng“ hinsegin fólks, ég er eins og ég er, hvernig á ég að vera eitthvað annað. Að lokum lak Páll þeim upplýsingum að pallurinn hans í sjálfri Gleðigöngunni verði með þeim flottustu og verðum meðal annars 9 metra hár og mun líta út eins og svanur – þannig að það má engin missa af stuðboltanum í Gleðigöngunni á laugardaginn kl.14.00.
Árni býr í Reykjavík en ólst upp í Garðinum. Hann lauk stúdentsprófi frá Fjölbrautaskóla Suðurnesja og nam stjórnmálafræði við Háskóla Íslands. Að því gefnu hefur hann mikinn áhuga á stjórnmálum, ásamt því að vera mikill áhugamaður um hönnun, arkitektúr og ljósmyndun. Árni hefur gaman að tónlist og leiklist, kvikmyndum og matargerð annarra. Hann viðurkennir fúslega að vera ömurlegur í eldhúsinu og leggur ekki á nokkurn mann að koma í mat til sín. Nýja dellan er að vaða um íslenska náttúru með myndavélina og reyna að ná góðum myndum með misjöfnum árangri. Árni er mikil félagsvera og nýtur sín best í góðra vina hópi og með fjölskyldunni. Hann er dýravinur, en gengur illa að eiga gæludýr. Þau annað hvort drepast eða flýja af heiman. Árni gleymir sér á netinu við að skoða fallega hönnun, heimili og fasteignasíðurnar eru í miklu uppáhaldi. Árni deilir með okkur því sem hann fellur fyrir hverju sinni og reynir að koma víða við í stílum og hönnun til að ná til sem flestra. Árni heldur úti Facebooksíðu þar sem hann deilir hugðarefnum sínum, enda kallar hann síðuna Hugarheim Árna.
