Teen Choice Awards verðlaunaafhendingin fór fram í Bandaríkjunum í gær og það má segja að nánast allar dömurnar hafi mætti í magabol af einhverju tagi.
Þó að allar hafi þær verið glæsilegar vakti klæðnaður þeirra mis mikla lukku. Leikkonan Chloe Moretz þótti til að mynda að mati slúðursíðunnar E! í of munstruðum buxum og jakka en klæðnaður Taylor Swift fékk mjög góða dóma þar sem hún klæddist grænu pilsi og topp í stíl.
Söngkonan Jennifer Lopez mætti og stal að sjálfsögðu sviðsljósinu frá mun yngri keppinautum sínum í grænum aðsniðnum kjól.
Engir stórviðburðir áttu sér stað á hátíðinni en hegðun flestra stjarnanna var með besta móti og því var engin sem komst á síður slúðurblaðanna fyrir sjokkerandi hegðun í þetta skiptið.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
