Maður nokkur, í Bretlandi, heimsótti móður sína og komst þá að því að gestaherbergið hennar var í notkun af þúsundum geitunga sem höfðu tekið herbergið yfir. Geitungarnir höfðu étið upp dýnuna og púðana í rúminu og búið til 90 cm breitt bú í rúminu.
Meindýraeyðirinn, John Birkett, sagði ABC frá því að geitungarnir hafi komið inn um lítinn glugga í herberginu og þær hafi verið þarna í um það bil 3 mánuði. „Þetta var eins og í hryllingsmynd“ segir John og bætir því við að þetta sé stærsta bú sem hann hefur séð og furðulegasta tilfelli sem hann hefur þurft að díla við á sínum 45 árum í bransanum.
Meindýraeyðirinn fór inn í herbergið, klæddur eins og geimfari og sagði að búið hafi verið mikil listasmíð en hann náði að bjarga teppinu á rúminu.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
