Árið 1988 kom John Davidson fram í heimildarmynd á BBC um tourette og var hann 16 ára á þessum tíma.
Á þessum árum var lítið vitað um Tourette og margir vissu ekki einu sinni um hvað var verið að ræða. Í myndinni var fylgst með John sem unglingi og hvernig hann fótaði sig í lífinu.
Árið 2002 kom hann svo fram í annarri heimildarmynd með hinum 8 ára Greg Strorey sem hafði nýlega verið greindur með Tourette.
Þessi heimildarmynd er svo tekin árið 2009 og þá eru þeir báðir heimsóttir, þeir John og Greg til þess að sjá hvernig líf þeirra hefur breyst.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
