Harmþrungin móðir 38 ára gamals bifhjólamanns sem lét lífið í mótorhjólaslysi á þjóðvegi í Norkfolk, Bretlandi hefur látið í té myndband sem sonur hennar tók af eigin helför án þess að gera sér nokkra grein fyrir því að hann var að festa síðustu augnablik ævi sinnar á filmu.
David Holmes, sem var 38 ára gamall þegar hann lést í árekstri á þjóðvegi A47 í Honingham, ók af stað með myndavél sem var fest við bifhjólahjálminn og má heyra David segja WHOA! nokkrum sekúndum áður en hann lendir í árekstri við bíl sem kemur úr gangstæðri átt og kastast af hjólinu með þeim afleiðingum að hann lést samstundis.
David var á 160 kílómetra hraða þegar hjólið small saman við bílinn, en tilgangur Brendu, móður bifhjólamannsins, er að taka virkan þátt í forvarnarstarfi með útgáfu myndbandsins og leggja þannig baráttunni við hrað- og glæfraakstri lið. Brenda biður þannig bifhjólafólk og ökumenn bifreiða í öllum bænum að sýna meira tillit í umferðinni, en þess ma geta að ökumaður bifreiðarinnar sem sjá má í myndbandinu, var fyrir rétti dæmdur fyrir manndráp af gáleysi sökum glæfralegs ökulags.
“Mér finnst ekki auðvelt að gera þetta, að gefa myndbandið út, en ég geri það í þeirri von að einhver muni ranka við sér og sýna meiri aðgát í umferðinni” – Brenda, móðir David.
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
