Tískuvikan hefur tröllriðið New York borg undanfarna daga, en viðburðurinn sjálfur, sem markar línurnar fyrir komandi vor árið 2015 hófst fimmtudaginn 4 september og stendur yfir til 11 september.
Helstu stjórstjörnur heims hafa skartað sínu fegursta í fremstu röðum á helstu sýningum undanfarna daga, kokteilar fljóta og gjallandi hlátur hefur ómað um salarkynni sýningarsala en linur hönnuða þykja mjög frábrugnar hverri annarri, skarast skemmtilega á og sýna fram á fjölbreytileika tískunnar eins og hún kemur fyrir sjónir í dag.
Á vefsíðunni Fashion Week Online má bæði sjá beinar útsendingar frá tískuvikunni sjálfri af sýningarpöllunum og fyrir áhugafólk um hátísku er undursamlegt að horfa á streymið þar sem hátískan er færð af pöllunum og útvarpað í beinni útsendingu á skjánnum.
Hægt er að skoða beint steymi hér en einnig er hægt að fletta upp hönnuðum eftir stafrófsröð hér. Tískuvikan sem hófst í New York þann 4 september, verður haldin öðru sinni í London þann 12 til 16 september og ferðast í framhaldinu til Milanó þar sem Vor og Sumarlína 2015 verður kynnt dagana 17 til 23 september. Tískuvikan í París verður að lokum haldin dagana 23 september til 1 október og verður afar fræðandi og athyglisvert að fylgjast með því hvaða línur helstu tískuhönnuðir heims leggja fyrir vor og sumarmánuði á næsta ári.
Eins og sjá má eru skerandi kontrastar í línum helstu hönnuða heims, en hér má sjá Alexander Wang með strákslega sterkar, þróttmiklar línur:
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
