Loksins! Hin fullkomna gjöf fyrir konuna sem á allt er fundin. Og hana er hægt að panta á netinu, hún endist allt árið og gleður augað.
Um er að ræða dagatal fyrir árið 2015 sem gefið er út á vegum dýraatvhvarfs í New York, sem ber heitið Louie’s Legacy Animal Group og samanstendur af sjóðheitum körlum með íðilfagra hunda í fanginu. Allir hundarnir sem sjá má á dagatalinu eru búsettir í dýraathvarfinu en sjálft dagatalið ber heitið Hunks and Hounds. Ætlunin með útgáfunni er sú að safna fjármunum til styrktar athvarfsins og til að styðja enn fremur við almenna velferð dýranna.
Louie’s Legacy er þó langtum meira en einungis dýraathvarf; um er að ræða góðgerðarsamtök sem hafa það eitt að markmiði að bjarga, hlúa að og að finna flækingshundum og gæludýrum sem eigendur geta ekki lengur veitt skjól, ný heimili áður en til greina þykir koma að aflífa dýrin sökum bágra aðstæðna þeirra.
Samtökin teygja sig þvert yfir Bandaríkin, eða alt frá Cincinnati til Ohio og Staten Island, New York. Ljósmyndirnar tók hins vegar Mike Ruiz, sem er þekktur fyrir tökur sínar með frægum einstaklingum, en hann hefur meðal annars myndað þær Kim Kardashian, Kate Perry og Nicki Minaj.
Sjálfur er Mike ekki ókunnur baráttumarkmiðum samtakanna, en hann ættleiddi heimilislausan Pit Bull að nafni Oliver árið 2012 og hóf í framhaldinu að velta vöngum yfir því með hvaða hætti hann gæit hrundið af stað verkefni sem myndi styðja við heimilislaus dýr.
Útkomuna má sjá í þessu dagtali, sem varð að lokum ofan á í hugmyndabúnkanum og hefur slegið algerlega í gegn. Dagtalið rokselst, en Mike tók myndirnar á tveimur dögum í lok september og hóf að taka við forpöntunum um leið og hann hafði unnið myndirnar.
Sjálfur segist Mike í skýjunum yfir viðtökunum og að salan hafi farið fram úr björtustu vonum hans. „Við erum himinlifandi yfir því að fleiri hundar fái tækifæri á góðu lífi, allt út af dagatalinu.” Eins og það sé ekki nóg, þá klykkir Mike út með því að flestir karlarnir sem sitja fyrir á dagtalinu séu einhleypir – þó það í sjálfu sér ætti ekki að koma málinu við – en myndirnar tala sínu máli.
Mike segir ennfremur: „Ég get bara vona að fólk eigi eftir að hafa gaman að dagtalinu og njóta myndanna með þá daglegu áminningu fyrir augum að það eitt að elska og annast ættleitt dýr er eitt það fallegasta sem nokkur mannvera getur lagt á tilveru sína. Það vona ég innilega að við seljum yfir milljón eintök svo að Louie’s Legacy muni eflast og öðlast fleiri tækifæri til þess að finna heimilislausum hundum varanlegt heimili.”
Dagatalið má nálgast HÉR
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
