Á vefsíðunni Kjarni.is má finna 450 íslenskar netverslanir á einum stað. Síðan, sem er nú orðin árs gömul, er komin í nýjan búning og er orðin enn öflugri en áður. Vefstjóri síðunnar Þór Sigurðsson vonast til að verslun á netinu muni aukast með tilkomu Kjarni.is.
Allt á einum stað
„Kjarni.is er í raun íslensk verslunarmiðstöð á netinu. Það hefur orðið mikil fjölgun í íslenskum netverslunum. Það getur verið tímafrek vinna að vera sýnilegur með verslun á netinu en með allar netverslanir á einum stað eykst sýnileiki þeirra. Einnig aukast líkur á að netverslun nái að blómgast. Þetta hjálpar bæði viðskiptavinum og eigendum,“ segir Þór Sigurðsson, sem stýrir vefsíðunni.
,,Netverslun er að aukast ár frá ári og fólk verslar fjölbreyttari vörur núna en áður. Verslun með fatnað, skó og íslenska hönnun á netinu hefur aukist til muna sem og mikil vitundarvakning hefur orðið með samanburð á verð og gæðum á vörum,” segir Þór.
Jólainnkaupin þægilegri
Jólainnkaup á netinu eru í auknu mæli að taka við hinum hefðbundnu verslunarferðum fyrir jólin þar sem gengið er búð úr búð til að finna réttu gjöfina.
,,Sífellt fleiri gera jólainnkaupin á netinu enda er eðli verslunar að breytast hratt. Fólki finnst þægilegt að kaupa í símanum og tölvunni í stað þess að fara í stressið í verslunarmiðstöðvum. Íslensk netverslun eykst jafnt og þétt í takt við það sem er að gerast erlendis og margir kjósa að versla jólagjafir á netinu. Netverslun sparar sporin og auðveldar innkaupin,” segir Þór ennfremur.
Eyða um 45 þúsund krónum að meðaltali í jólagjafir
Samkvæmt skýrslu Rannsóknarseturs verslunarinnar er áætlað að verslun vegna jólanna verði um 4,2% hærri nú í ár en í fyrra eða sem nemur tæplega 15 milljöðrum króna. Þannig má áætla að hver Íslendingur eyði um 45 þúsund krónum í jólagjafir að meðaltali.
Stærstur hluti kvenna kaupir skó, föt og íþróttavörur samkvæmt skýrslunni og er fjölmennasti aldurshópurinn konur 16-24 ára en meirihluti karlmanna kaupir raftæki og þar er fjölmennasti alsturshópurinn 25-54 ára.
Smelltu á Kjarni.is og auðveldaðu fyrir þér jólainnkaupin í ár!
