Í þá gömlu góðu daga þegar langömmur okkar voru enn ungar konur og herramenn voru sendir á styrjaldarsvæði til að hrekja óvininn á brott á tímum heimstyrjaldarinnar – tíðkaðist að taka upp hljóðritanir á vinylplötur og senda ástvinum kveðju. Þetta er inntakið í einni hugljúfustu jólaauglýsingu sem hátæknirisinn Apple hefur nú sent frá sér og framkallar tár á hvarmi jafnvel hörðustu jaxla.
Í auglýsingunni, sem er yfir mínútu löng, sést hvar ung stúlka rennir gegnum vinylplötur ömmu sinnar – annars hugar og með fjarrænt bros – finnur gamla og hjartfólgna upptöku af röddu ömmu sinnar sem talar til afa hennar – stóru ástarinnar.
.
.
Auglýsingin ber einfaldlega nafnið LAGIÐ eða THE SONG á frummálinu og spannar melódískt ferðalag stúlkunnar um lendur tónsmíða, hvernig hún spyrðir saman tónlistarhæfileikum sínum – tærri söngröddu ungu konunnar sem sendi elskhuga sínum ástaróð fyrir svo mörgum áratugum og úr verður látlaus en ógleymanleg gjöf.
.
.
Takið upp vasaklútana og smellið á PLAY – þetta er ógleymanleg auglýsing (óháð framleiðanda) með boðskap sem yljar um hjartarætur:
Tengdar greinar:
Ástfangin í 72 ár
Ótrúlega fallegt indverskt brúðkaup – Myndir
Ekkja minnist eiginmanns síns á einstakan hátt – Hengir brúðkaupsföt þeirra upp til minningar um ástina
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
