Koddarnir okkar, sem við hvílum höfuð okkar á allar nætur gulna með tímanum og margir vita kannski ekki alveg hvað veldur þessu. Ástæðan er langt frá því að vera lystaukandi en gulnunin verður vegna svita, húðfitu, slefs og dauðra húðfruma. Allt þetta síast inn í fyllingu koddans og veldur litabreytingunni.
Jafnvel þó að þú þvoir koddaverin reglulega, kemur það ekki algjörlega í veg fyrir að rakinn og húðfitan komist í koddann.
Það eru nokkrar leiðir til að koma í veg fyrir þessa gulnun á koddunum:
- Notaðu auka koddaver utan um koddann: Það virkar sem aukavernd gegn svita og húðfitu sem kemst annars að koddanum.
- Þvoðu koddann reglulega: Að þvo koddann á þriggja til sex mánaða fresti getur hjálpað til við að draga úr fitu og blettum.
- Loftaðu um koddann: Eftir að hann er þveginn er gott að láta hann þorna í fersku lofti og það hjálpar til við að minnka raka og halda koddanum ferskum lengur.
Að koddar gulni með tímanum er eðlilegt ferli, en með reglulegri umhirðu er hægt að hægja á því.
Hér má sjá sérfræðing um kodda segja frá því hvað veldur gulum koddum:
Sjá einnig:
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
