Aretha Franklin kann að vera komin til ára sinna, en gamla sálardrottningin sýndi og sannaði svo um munaði að hún hefur engu gleymt þó elli kerling hafi sett sitt mark á hana. Hún sveif léttstíg að hljóðnemanum og reif nær þakið af húsinu í myndveri The Ed Sullivan Theater fyrr í þessari viku með raddstyrk sínum, sjálfsöruggri framkomu og dúndurmelódískum flutningi á smelli Adele; Rolling In The Deep.
Það var sem enginn endir ætlaði að verða á fagnaðarlátum gesta í myndveri, en Aretha var gestur David Letterman og þá er aðeins einni spurningu ósvarað; ætli þær Adele og Aretha eigi eftir að sameina krafta sína í hljóðveri áður en langt um líður?
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
