Það að eiga börn er mikil vinna og stundum þarf fólk hreinlega að nota ímyndunaraflið til að auðvelda sér lífið. Hér eru nokkrar góðar hugmyndir fyrir foreldra.
Þessi vildi minnka rifrildi á milli barnanna svo hann setti plötur á milli bílstólanna, sniðugt en vonandi hefur þetta ekki áhrif á öryggi barnanna eða annara farþega í bílnum.
Ertu á leiðina á ströndina? Taktu þá með þér teygjulak og búðu þér til afmarkað svæði og minnkaðu magnið af sandi sem fylgir þér heim.
Ef krílið á það til að fara í krummafót er sniðugt að setja svona límmiða í skóna og þá fer það ekki á milli mála hver er hægri og hver er vinstri.
Þetta er sniðugt til að hjálpa barninu að átta sig á skipulagi dagsins.
Notaðu lok af einnota kaffiglasi til að taka við því sem bráðnar af íspinna barnsins.
Þessi lánar börnum sínum stýripinna sem eru ekki tengdir en krílin halda að þau séu að taka fullan þátt í leiknum með pabba.
Öllum börnum þykir gaman að mála og það er rosalega skemmtilegt að fá að mála með vatni. Vel hægt að dunda sér við þetta í góðan tíma.
Hér fær sköpunargleðin að njóta sín! Barn + pappakassi + litir = Listaverk
Hárið á dúkkunum á það til að flækjast illilega og til að losa flæknuna er gott að dýfa hárinu ofan í vatn með hárnæringu og þá er hægt að greiða í gegn.
Og þá er það rúsínan í pylsuendanum… Notaðu gamla poka af frosnu grænmeti til að fela nammið þitt. Ekki miklar líkur að krakkarnir finna góssið þar!
Inga er fædd og uppalin í Reykjavík fyrir utan 2 ár sem hún bjó fyrir vestan í Bolungarvík. Þessi gifta, þriggja barna móðir er menntuð snyrtifræðingur og hefur unnið við það síðan 2006. Snyrtifræðin á stóran hluta af hug hennar og fagnaði hún þessu tækifæri að fá að skrifa greinar og jafnvel fá að aðstoða lesendur við vanda/spurningar sem þeir mögulega hafa.
