Þessi dásemd er kanski ekki sú allra hollasta en hún er brjálæðislega góð!
Og já hún er úr safninu hennar Röggu mágkonu, hversu heppinn er ég með mágkonu!
Uppskrift:
1/2 bolli sykur
1 bolli hveiti
1 tsk matarsódi
1 egg
1/2 stór dós kokteilavextir
1/2 bolli kókosmjöl
1/2 bolli púðursykur
Aðferð:
Sykri, hveiti og matarsóda blandað saman. Eggi og kokteilávöxtum hrært saman við. Blöndunni hellt í eldfast mót eða djúpa ofnskúffu ef uppskrift er stækkuð. Kókosmjöli og púðursykri blandað vel saman og dreift yfir.
Bakað við 180 gráður í 20 mínútur.
Mjög einfalt að tvö eða þrefalda þessa og hún er sjúklega góð með ís!
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
