Þessi dásamlega uppskrift kemur frá Ragnheiði sem er með Matarlyst á Facebook.
Þetta er afar gott brauð ásamt því að auðvelt er að útbúa það en gefa þarf sér þó tíma í undirbúning.
Hráefni
500 g hveiti
1 tsk þurrger
1 tsk salt
½ tsk sykur
480 ml volgt vatn
Aðferð
Setjið þurrefnin saman í hrærivélaskálina blandið saman, bætið út í vatni hnoðið saman um u.þ.b 1-2 mín athugið að deigið er mjög blautt og klístrað.
Setjið sellófan yfir og látið deigið hefast í 3 klukkutíma við stofuhita.
Eftir þrjá tíma setjið þið vel af hveiti í bolla sáldrið helmingnum á borðið dreifið úr því hellið deiginu yfir vinnið hveitið upp í deigið með því að velta því upp bætið við hveiti eftir þörfum, deigið á að vera frekar blautt heldur en þurrt, notið eins mikið hveiti og ykkur þykir þurfa, skiptið deiginu í tvennt.
Veltið deiginu í átt að miðju og togið út þannig að stærðin á því sé rétt minni á lengd en bökunnarpappír eða ofnplatan, leggið deigið á bökunnarpappír.
Endurtakið með hitt brauðið.
Látið hefast á borðinu í 25 mín
… Kveikið strax á ofninum í 180 gráður og blástur og setjið vatn í eldfast form, setjið það í botninn á ofninum.
Brauðin toppaði ég með fetaosti og beiglukryddi en fyrst penslaði ég það með eggi sló því saman og penslið yfir miðjuna á deiginu
Fetaostur stappið saman ⅓ krukku af fetaost ásamt smá af olíunni bætið út í 1 tsk af pizzakryddi blandið saman. Penslið brauðið með pískuðu eggi, setjið fetaostinn yfir, skerið svo rákir í brauðdeigið.
Beiglukrydd
Byrjið á því að pensla brauðdeigið með eggi, setjið kryddið ofaná skerið svo rákir í brauðið með hníf.
Athugið að ekki þarf að setja neitt ofaná, ef það er valið þá skerið þið einungis rákir í brauðdeigið með beittum hníf.
…Setjið brauðin inn í heitan ofninn bakið í 25 mín, eftir þann tíma takið þið eldfasta formið með vatninu út úr ofninum, bakið brauðin áfram í 10 mín. Þetta er gert til að fá crispy skorpu.
Gott er að láta brauðin kólna í ca í 30 mín áður en þið gæðið ykkur á þeim.
