Þetta æðislega bananabrauð kemur frá Allskonar.is
- 100 gr döðlur, grófsaxaðar
- 250 ml mjólk
- 1 1/2 tsk matarsódi
- 200 gr heilhveiti
- 1 tsk lyftiduft
- 100 gr smjör í bitum
- 2 bananar, stappaðir
- 25 gr möndlur, grófsaxaðar
Undirbúningur: 10 mínútur
Bökunartími:50-60 mínútur
Byrjaðu á að hita ofninn í 180°C. Smyrðu jólaköku- eða brauðform að innan, þú getur líka klætt það að innan með smjörpappír og smurt örlítið.
Saxaðu döðlurnar og settu í pott með mjólkinni og matarsódanum. Settu á meðalhita og láttu suðuna koma upp. Slökktu undir pottinum.
Blandaðu saman í stórri skál hveitinu og lyftiduftinu, nuddaðu smjörinu vel í hveitið þar til það fer að líkjast brauðmylsnu. Þetta getur þú gert líka í matvinnsluvél.
Helltu döðlunum og mjólkinni út í hveitiblönduna ásamt stöppuðum bönunum. Hrærðu vel.
Bættu nú möndlunum út í og blandaðu vel saman.
Settu í form og bakaðu í 50-60 mínútur í miðjum ofninum. Það er ágætt að athuga eftir um 45 mínútur hvort brauðið er tilbúið með því að stinga prjón eða tannstöngli í miðjuna á brauðinu, ef brauðið er til þá er prjónninn/tannstöngullinn hreinn og ekkert deig loðir við.
Láttu kólna vel á bökunargrind áður en þú skerð brauðið.
Frábært með smjöri og hverju því sem þig lystir ofan á.
Endilega smellið einu like-i á Allskonar.is á Facebook.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
