Bananabrauð er æðislegt nýbakað með smjöri og osti og mjólkurglasi til að skola því niður.
3- 4 þroskaðir bananar, stappaðir niður
1/3 bolli bráðið smjör
1 bolli sykur
1 egg
1 tsk vanilludropar
1 tsk matarsódi
Salt á hnífsoddi
1 og hálfur bolli hveiti
Byrjaðu á því að hita ofninn upp í 175°. Notaðu sleif og blandaðu smjörinu og bananastöppunni saman í stórri skál. Blandaðu svo sykri, eggi og vanilludropum saman við. Stráðu svo matarsóda og salti yfir blönduna og hrærðu saman. Hveitið fer svo í að lokum. Heltu deiginu í smurt form og bakaðu í 1 klukkustund.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
