Barn með tvö höfuð fæddist í Bangladesh. Um síamstvíburastúlkur er að ræða, en í þessu tilfelli eru börnin með einungis einn heilan líkama og deila öllum líffærum sameiginlega.
Sjá einnig: Síamstvíburar sjá með augum hvor annarrar
Þessi myndun síamstvíbura gerist í 1 af hverjum 100.000 fæðingum og eru líkurnar á því að börnin lifi einungis 40%.
Stúlkurnar eiga í erfiðleikum með öndun og eru því undir eftirliti lækna þar í borg og hefur múgur og margmenni hópast fyrir utan sjúkrahúsið í þeirri von um að bera undraverkið augum.
Faðir stúlknanna þakkar Allah fyrir að bæði stúlkurnar og móðir þeirra séu á lífi, en börn á þessum slóðum, sem fæðast með líkamlega vansköpun, hafa gjarnan verið talin í guðatölu. Hann hefur einnig áhyggjur af því hvernig hann muni koma til með að sjá fyrir stúlkunum í framtíðinni vegna þess að þau hjónin eru afar fátæk.
Sjá einnig: Síamstvíburar fundu ástina í sama manni
Enginn möguleiki er á því að skilja stúlkurnar að með aðgerð, þar sem þær hafa bara einn líkama og eitt af hverju nauðsynlegu líffæri.
Sjá einnig: Níræðar tvíburasystur: Hafa verið óaðskiljanlegar alla tíð
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
