Hér er á ferðinni einn besti fiskréttur sem ég hef smakkað og auðvitað er þessi réttur frá Röggu mágkonu, úr litlu matreiðslubókinni hennar Rögguréttir.
Hráefni:
600-800 gr ýsa
ca. 3 dl soðin hrísgrjón
3 dl köld piparsósa ( t.d frá Einar Finns eða Gunnars)
1-2 bréf beikon
Rifinn ostur
Aromat krydd
Salt og pipar
Aðferð:
Hrísgrjón soðin samkvæmt leiðbeiningum á pakka, þau svo sett í botninn á eldföstu móti. Ýsan skorinn í bita, krydduð með aromat, salt og pipar og bitunum raðað yfir hrísgrjónin.
Piparsósunni hellt yfir fiskinn. beikonið steikt og svo yfir sósuna. Rifnum osti dreift yfir og allt hitað í ofni við 180° í 30 mínútur.
Gott að hafa fersk salat með.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
