Brad Pitt hefur tjáð sig opinberlega um eiginkonu sína og barnsmóður, Angelinu Jolie. Hann skrifaði einstaklega einlæga grein um konu sína sem við megum til með að þýða yfir á íslensku og birta lesendum okkar.
Brad Pitt skrifar um konuna sína:
Konan mín veiktist. Henni leið alltaf illa út af ýmsu, vandamálum í vinnunni, einkalífinu, ýmsum mistökum sínum og börnunum. Hún léttist um fimmtán kíló, var orðin grindhoruð og var oft grátandi. Hún var ekki hamingjusöm kona. Stöðugur höfuðverkur olli henni miklum þjáningum og hún var með brjóstverk og klemmdar taugar við rifin. Hún svaf illa, náði ekki að sofna fyrr en undir morgun og þreyttist fljótt á daginn. Samband okkar var farið að gliðna og var í hættu. Hún var hætt að hugsa um útlit sitt og komin með poka undir augun. Hún gat ekki lengur unnið við upptökur á myndum og afþakkaði hlutverk sem henni buðust. Ég var búinn að missa vonina og hélt að við myndum fljótlega skilja.
En þá tók ég ákvörðun um að taka til minna ráða. Ég á fallegustu konu hér á jörð, konu sem ótrúlegur fjöldi karla og kvenna dáir og ég var sá sem fékk að deila með henni heimili og halda utan um hana þegar við fórum að sofa. Ég fór að færa henni blóm, kyssa hana oft og lengi, hrósa henni og segja við hana falleg orð. Ég kom henni oft þægilega á óvart, gaf henni gjafir og helgaði henni öllum mínum tíma. Ég sagði fólki frá henni hvar sem ég kom fram, talaði um hana í öllum mínum ræðum. Ég hrósaði henni við vini hennar og sameiginlega vini okkar. Og hún fór að blómstra aftur, hresstist öll, náði aftur holdum, kvíðinn hopaði og nú elskar hún mig enn meira en áður. Ég hafði ekki hugmynd um að ást hennar væri svona heit.
Og þá rann það upp fyrir mér að: Konan er spegilmynd mannsins síns- og endurvarpar ást hans.
Brad Pitt
Hér getur þú lesið greinina á frummálinu.
