Þessi hátíðlega ís uppskrift er æðisleg og kemur frá Matarlyst. Ísinn er með kókosbollum, einu seti, mars og toblerone, ásamt því að setja karamellusósu í botn og upp í hliðar skálarinnar. Hægt er að setja það sem hugurinn girnist í ísinn, ykkar uppáhalds nammi.
Hráefni ísblanda
6 eggjarauður
80 g sykur
1/2 l rjómi þeyttur
Fylling
8 litlar mini kókosbollur (1 pakki)
2 mars súkkulaði
2 stórir molar toblerone
Nokkrir molar eitt sett, geggjað að setja það í ísinn lakkrísinn verður æði.
Heit karamellusósa frá Kjörís
Nammi til að skreyta, mini egg og eitt sett.
Athugið að það er um að gera að setja ykkar uppáhalds nammi út í ísblönduna.
Aðferð
Þeytið rjómann, leggið til hliðar.
Eggjarauður og sykur þeytt þar til létt og ljóst. Blandið rjómanum varlega saman við eggjablönduna með sleikju í smáum skömmtum. Setjið kókosbollur út í skálina brjótið þær niður gróft með sleikju, blandið saman. Skerið mars í þunnar sneiðar, skerið toblerone og eitt sett í hæfilega stóra bita, bætið út í ísblönduna, vinnið varlega saman.
Samsetning
Ég byrja á því að setja karamellusósu upp í hliðarnar skálarinnar og í botn. Helli ísblöndunni í skálina, slétti úr. Skreytti með nammi, einu setti og mini eggjum.Setjið í frysti í að minnsta kosti 6-7 tíma áður en ísinn er borin fram. Gott er að láta ísinn aðeins taka sig áður en hann er borinn fram.
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
