Hannaður hefur verið sérstakur brjóstahaldari sem sagður er stækka brjóst kvenna. Hann er með innbyggðum titrara og hannaður af serbneska verkfræðingnum Milan Milic. Titrandi brjóstahaldarinn hefur hlotið nafnið E Bra og er nú loksins kominn í framleiðslu til reynslu fyrir konur í Bandaríkjunum, en áður hafði haldarinn aðeins verið prófaður í Evrópu.
Milan ákvað að hanna E Bra eftir að kona hans kvartaði undan því að brjóst hennar væru of lítil og vildi hann finna upp aðra lausn fyrir hana en skurðaðgerð til að stækka á henni brjóstin. Titringurinn á að geta séð til þess að brjóstin stækki um allt að eina skálastærð á einni viku og mun hann bæði stinna þau og færa þau nær hvort öðru.
Sjá einnig: Af hverju síga brjóstin á þér? Má tefja þau á leið sinni að nærbuxunum?
Þær konur sem hafa prófað brjóstahaldarann segjast vera himinlifandi með árangurinn og segja að sjálfstraust þeirra hafi aukist til muna við að fá þrýstnari barm.
Sjá einnig: 5 brjóstahaldara mistök og hvað er til ráða?
Verkfræðingur: Milan ásamt konu sinni og uppfinningu.
Ellen DeGeneres hefur prófað keimlíka uppfinningu frá Kína, sem er þó ekki eins í sniðum:
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
