Burt Reynolds barði David Whiting til dauða og komst upp með það. Ástæðan fyrir árásinni á manninn var afbrýðisemi vegna kvikmyndastjörnunnar Sarah Miles.
Þetta kemur fram í niðurstöðum einkaspæjara sem hafa verið að rannsaka málið. Atvikið átti sér stað 11. febrúar 1973 á ódýru móteli í Arizona. Lögreglan var sannfærð um að David hefði verið myrtur í slag við Burt, gaf krufningalæknirinn út þá skýringu að hann hefði dáið úr of stórum skammti. Stóra sárið á höfði hans, sár og marblettir hefðu ekki haft neitt með andlát hans að gera.
Nú er hinsvegar komið í ljós að David var myrtur.
„Mótel herbergið var allt í blóði,“ sagði lögreglumaður einn, samkvæmt RadarOnline, sem kom á vettvang glæpsins. Hann segir að fleiri Hollywood leikarar hafi verið á staðnum. „Fyrst töluðu allir mjög frjálslega við okkur en nokkrum dögum seinna voru allir búnir að fá sér lögfræðing. Þau voru búin að bera saman sögur sínar og sögðu það sem þeim var sagt að segja.“
Talið er að Burt hafi viljandi skemmt sönnunargögn á vettvangi og sett pilluglas við hliðina á hinum látna til að láta andlát hans líta út eins og sjálfsvíg.
