Cheryl (33) er loksins að fá skilnað frá sínum fyrrverandi, Jean Bernard Fernandez-Versini. Hún er að vonum mjög fegin, en það er gert ráð fyrir að skilnaðurinn gangi í gegn á næstu dögum.
Sjá einnig: Cheryl sýnir óléttubumbuna opinberlega í fyrsta sinn
Hún er núna ófrísk af fyrsta barni sínu með Liam Payne (23) og getur því varla beðið eftir að ferlið verði búið, svo hún geti einbeitt sér að sambandi sínu. Cheryl mun ekki koma til með að borga fyrrum eiginmanni sínum krónu eftir skilnaðinn, en hún ætlar sér ekki að breyta nafni sínu strax.
Hún hefur ekki enn opinberað að hún sé ófrísk en það fer varla framhjá nokkrum manni, þar sem það sést vel að hún er að fá kúlu. Samt sem áður er Cheryl hamingjusamari sem aldrei fyrr með Liam og getur byrjað nýjan kafla í lífi sínu innan skamms.
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
