David James Gandy fæddur 19. febrúar 1980 í Billericay Essex í Englandi er ein af heitustu karlfyrirsætum heims. Hann ólst upp í Essex í verkamannafjölskyldu og eftir að hafa unnið fyrirsætukeppni í sjónvarpi varð hann vinsæl fyrirsæta. Gandy var í nokkur ár aðalfyrirsæta Dolce & Gabbana og birtist í fjölmörgum auglýsingaherferðum þeirra og tískusýningum.
Í iðnaði þar sem að tágrannar fyrirsætur eru allsráðandi, varð vöðvastæltur Gandy valdur að því að nokkrir fatahönnuðir þróuðu fatalínur sem voru ætlaðar meira vöðvastæltum karlmönnum. Auknar vinsældir hans leiddu til fjölda tímaritaforsíðna, viðtala og verðlauna. Gandy gerir þó fleira en að stunda fyrirsætustörf, hann bloggar fyrir breska Vogue, skrifar um bíla fyrir breska GQ og vinnur að góðgerðarmálum svo eitthvað sé nefnt.
Árið 2011 kom Gandy nakinn fram í bók Dolce & Gabbana og fjölmargar myndir skilja ekkert eftir fyrir ímyndunaraflið.
Í viðtali við ABC talar Gandy um fyrirsætustörfin og segir að að það sé erfitt að vera gordjöss…..okkur er þó slétt sama um það álit hans.
[youtube width=”600″ height=”325″ video_id=”ZHelO4W3eEA”]
Ragna er miðborgarbarn sem elti ástina til útgerðarparadísarinnar Grindavík. Þó að ástin hafi yfirgefið hana hefur hún enn óbilandi trú og áhuga á fólki, ástinni og lífinu og tilverunni.
