Ég er týpan sem hleypur út í búð 1. dag aðventu til að kaupa efni í aðventukrans. Ég reyni oft að vera tímanlega og hafa allt á hreinu en það virðist vera mér mjög erfitt oft á tíðum. Ég var reyndar einum degi fyrr á ferðinni þetta árið en ég fór út í búð í gær og keypti allt sem ég þurfti til að gera aðventukransinn. Ég mun því geta kveikt á fyrsta kertinu í dag.
Þetta er það sem ég keypti. 4 trékúlur, silfursprey, númer á kertin og silfurlitaðar jólakúlur. Ég átti 4 hvít kerti.
Mér fannst þessi númer svo skemmtileg. Númerin sjálf eru úr einhverskonar áli og hvíta slaufan gerir þetta svolítið hátíðlegra
1. Fyrst fór ég með kúlurnar út á svalir og spreyjaði þær með silfurspreyjinu á dagblaði. Fyrst botninn, leyfði því að þorna í 10 mínútur. Svo fór ég út aftur og snéri þeim við og spreyjaði þær ofan á.
2. Á meðan það þornaði setti ég númerin á kertin.
3. Ég sótti kúlurnar út á svalir og festi þær á disk sem ég átti á heimilinu, setti smá kennaratyggjó undir svo þær héldust á réttum stað.
4. Ég átti smá silfraða steina sem ég setti allt í kring og hellti svo jólakúlunum ofan á, allt í kringum kertin.
Er þetta ekki bara sætt?
Sjáið bara hvað myndirnar eru líka fínar, en þær eru teknar á Samsung Galaxy Alpha símann minn, sem er mitt líf og yndi þessa dagana.
Allar vörurnar sem ég keypti fékk ég í A4 en þeir eru með mikið úrval af skemmtilegum jólavörum og jólaföndri.
Perlaðu falleg snjókorn fyrir jólin – sjá mynstur í grein
Það styttist í jólin
Jólin eru komin á Stykkishólmi
Kidda Svarfdal er ritstjóri og eigandi Hún.is en hún er frá Djúpavík á Ströndum. Hún fór á bát og snjósleða í skólann þegar hún var lítil og var í heimavist í Finnbogastaðaskóla. Hún hefur haft gaman að krossgátum og íslensku frá unga aldri og hefur skrifað ljóð, sögur, pistla og fleira. Ásamt því að skrifa á Hún.is er Kidda, ásamt fjölskyldu sinni, mikið í Djúpavík þar sem fjölskyldan er með ferðaþjónustu.
