Upphaflega kemur þessi uppskrift frá henni Hafdísi heilsunuddara sem hefur sérhæft sig í bæði bowen tækni og ilmkjarnaolíum. Hér hefur rósavatninu verið sleppt í þeirri von að auka geymsluþolið og ilmkjarnaolía með sítrónu notuð í stað lavender og appelsínu.
Uppskrift:
3 msk Jojoba olía
1 msk Kakó smjör
1 msk Bývax
10 dropar sítrónu ilmkjarnaolía
Aðferð:
Sótthreinsið glerílátið sem á að nota undir handáburðinn með því að sjóða vatn í potti og dýfa ofan í.
Hitið jojobaolíuna, kakósmjörið og bývaxið saman í potti við vægan hita eða þar til vaxið er bráðnað. Takið af hitanum.
Að lokum er ilmkjarnaolíunnni blandað saman við og áburðurinn settur í sótthreinsað ílátið. Látið kólna áður en lokað er.
Hrært í fyrir notkun.
HÉR er hægt að skoða síðuna hennar Hafdísar þar sem hún deilir vitneskju sinni með öðrum.
Þóra er keramikhönnuður og starfar sem slíkur á vinnustofu sinni í Hafnarfirði ásamt pistlaskrifum og kennslu. Þóra reynir að tileinka sér umhverfisvæna mannasiði á sem flestum sviðum og notar t.d. sem náttúrulegust hráefni í hönnun sína. Hún hefur tekið þátt í fjölda sýninga bæði hér heima og ytra ásamt því að hafa komið að rekstri tengdum heilsu og hönnun.
