Þessa uppskrift fékk ég að birta með góðfúslegu leyfi hennar Hafdísar heilsunuddara sem hefur sérhæft sig í bæði bowen tækni og ilmkjarnaolíum. Hún heldur úti síðunni ilmandi.is þar sem hún deilir vitneskju sinni með öðrum.
Uppskrift:
3 msk Jojoba olía
1 msk Kakó smjör
1 msk Bývax
¼ bolli Rósavatn eða soðið kælt vatn
10 dropar lavender ilmkjarnaolía
5 dropar sweet orange ilmkjarnaolía
Aðferð:
Hitið jojobaolíuna, kakósmjörið og bývaxið saman við vægan hita eða þar til vaxið er bráðnað. Takið af hitanum.
Velgið rósavatnið við lágan hita. Takið af hitanum.
Þegar báðar blöndurnar eru volgar, hellið þá smám saman rósavatninu út í jojobaolíuna og hrærið í á meðan eða þar til kremið er orðið mjúkt og létt.
Að lokum er ilmkjarnaolíunum blandað saman við, kremið sett í sótthreinsaða krukku og látið kólna áður en lokið er sett á.
Þóra er keramikhönnuður og starfar sem slíkur á vinnustofu sinni í Hafnarfirði ásamt pistlaskrifum og kennslu. Þóra reynir að tileinka sér umhverfisvæna mannasiði á sem flestum sviðum og notar t.d. sem náttúrulegust hráefni í hönnun sína. Hún hefur tekið þátt í fjölda sýninga bæði hér heima og ytra ásamt því að hafa komið að rekstri tengdum heilsu og hönnun.
