Það er dásamlegt að skrúbba húðina frá toppi til táa og ég tala nú ekki um ef þú ert stöðugt í sundi með krakkana!
Ég fann þessa uppskrift þegar ég var að vafra á netinu um daginn og langaði til að prufa hana. Ég telst vera hinn mesti klaufi þegar kemur að þessum málum, en þessi er súper auðveldur í framkvæmd og fékk húðina til að glóa fallega.
Ef ég get þetta, þá getur þú það líka!
Hráefni:
1/3 bolli (0.8 dl) Mango (maukað)
½ bolli (1.2 dl) Himalayan salt
1 sítróna (bara safinn)
Þegar þú hefur maukað Mango, settu þá maukið í góða skál. Blandaðu svo vel saman saltinu og sítrónusafanum í maukið og þú ert tilbúin í dásemdina.
