Við erum oft að hugsa um sniðugar leiðir og úrlausnir, sem hægt er að nota inn á heimilinu og hér er ein sniðug lausn fyrir blúnduunnendur sem hver sem er getur gert í gluggana sína
Oft geta gardínur og gardínu val reynst einn heljarinnar hausverkur og svo ekki sé minnst á kostnaðinn sem getur fylgt slíkum gjörningi. Margir hverjir hafa því snúið sér að filmum í gluggana hjá sér, en það getur reynst vanda verk að setja slíkt í gluggana ef vel á að vera.
Sjá einnig: Endurnýttu gömlu rimlagardínurnar
Blúndur í gluggann gæti verið eitthvað sem er fyrir þig. Aðferðin sem er notuð er sára einföld og felur í sér aðeins kartöflumjöl, vatn, pensil og blúndu.
Settu tvær matskeiðar af maís sterkju í skál, bættu því næst við álíka miklu magni af köldu vatni og hrærðu saman. Því næst seturðu um það bil einn og hálfan bolla af sjóðandi vatni út í blönduna og hrærir þar til þú ert kominn með blöndu sem líkist geli. Taktu blúnduna og klipptu hana til í rétta stærð, penslaðu gluggann með gelinu og settu blúnduna á gluggann. Eftir það skaltu pensla gelinu aftur yfir blúnduna fyrir extra mikið hald. Á örskotsstundu ertu komin með frábæra lausn fyrir gluggann þinn.
Sjá einnig: DIY: Klósettsprey sem virkar
Sjá einnig: DIY: Svona kemur þú í veg fyrir lykkjufall
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
