Slúðurmiðlar í Bandaríkjunum og Bretlandi hafa miklar áhyggjur af því að andlitið á fatahönnuðinum Donatellu Versace sé að bráðna af henni. Donatella hefur verið iðin við að stunda lýtaaðgerðir síðustu ár og þykir útkoman fara stöðugt versnandi. Hún hefur verið iðin við að láta sprauta í sig bótox, gengist undir þó nokkrar laseraðgerðir og fengið fyllingar í andlitið oftar en tvisvar.
Það var árið 2002 þegar fjölmiðlar fóru að taka eftir breytingum á andliti hennar en eftir því sem árin liðu breyttist andlit hennar stöðugt. Árið 2005 viðurkenndi hún að hún væri dugleg við að láta sprauta bótoxi í andlitið á sér og að hún að hún tryði ekki á náttúrulega fegurð.
Mikil ljósbekkjanotkun og ófáar stundir í sólbaði hafa einnig haft mikil áhrif á útlit hennar en húð hennar hefur farið mjög illa vegna þess. Árið 2011 sást greinilega á henni þær afleiðingar sem áhrif sólarinnar hafa haft á húð hennar en í september á þessu ári var Donatella búin að láta lagfæra það og líklegast hefur húðin hennar aldrei verið sléttari en í dag árið 2014.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
