Þetta er alveg hreint stórfengleg blanda get ég sagt ykkur. Og svínvirkar örugglega á grillið – sem ég á ekki til, þannig að ég brúkaði nú bara bakaraofninn. Stökkir sykurpúðar, mjúk karmellan og unaðslegt kanilbragðið af snúðunum – bragðlaukarnir dansa. Það er loforð.
Dýrðlegir Pågen snúðar með sykurpúðum og súkkulaði
1 poki Pågen snúðar
2 stór stykki Mars
sykurpúðar eftir smekk
Byrjum á því að skera snúðana í tvennt og raða þeim mjög þétt í eldfast mót.
Söxum Mars-ið gróflega og stráum bitunum yfir.
Sykurpúðarnir þar ofan á. Ég notaði stóra sykurpúða sem ég skar í tvennt.
Inn í ofn með þetta í 10-15 mínútur. Bakaraofnar eru misjafnir þannig að ég mæli með því að vel sé fylgst með þessu.
Þetta var alveg brjálæðislega gott. Og örugglega ennþá betra með ís.
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
